Para coñecemento dos impositores desta caixa de aforros, faise público que, de conformidade co anunciado oportunamente o día 6 de marzo último, tivo lugar en Vigo, en acto público perante notario, o sorteo para a designación de compromisarios que terán de elixir no seu día os conselleiros xerais que os representen dentro dos seus órganos de goberno.

Durante os días hábiles comprendidos entre o 2 e o 15 do vindeiro mes de abril, ámbolos dous inclusive, van estar expostas no domicilio social da entidade tódalas listas de compromisarios así elixidos, expoñéndose en tódalas oficinas as listas da circunscrición a que cada unha pertence, para que tódolos impositores poidan consultalas e presenta-las reclamacións ou impugnacións que consideren pertinentes, durante o devandito prazo e dous días máis.

A tramitación das mencionadas reclamacións axustarase ó establecido no Regulamento do sistema de designación dos órganos de goberno da caixa, debendo ser formuladas por escrito dirixido á comisión electoral, e presentadas na oficina onde se tivese observado a deficiencia de que se trate, ou na sede central, achegando necesariamente a xustificación documentada axeitada, salvo que se designen de modo concreto os elementos de proba e estes se atopen en poder da propia caixa.

A relación nominal definitiva, despois das rectificacións procedentes, vaise expoñer ó público de igual forma e con carácter de notificación para tódolos efectos, durante os días 26 de abril ó 10 do vindeiro mes de maio.

Vigo, 14 de marzo de 2002.

Ramón Cornejo Molíns

Co presidente