Examinado o expediente instruído por pedimento de Elecnor, S.A. con enderezo para efectos de notificacións en praza Manuel Gómez Moreno s/n, edificio Bronce, planta 6ª, C.P: 28020-Madrid; sobre autorización de instalacións do parque eólico denominado Penas Grandes; resultan os seguintes

Antecedentes de feito.

Primeiro.-Por Resolución do 18 de xullo de 2000, da Dirección Xeral de Industria, publicada no DOG do 22 de setembro de 2000 e no BOE do 27 de setembro de 2000, someteuse a información pública a petición de autorización administrativa do parque eólico de Penas Grandes, non presentándose ningún proxecto en competencia.

Segundo.-O 25 de outubro de 2000, Guillermo Planas Roca, en nome e representación de Elecnor, S.A., solicitou a autorización administrativa, aprobación de proxecto de execución e recoñecemento da condición de instalación acollida ó réxime especial de producción de enerxía eléctrica do parque eólico denominado Penas Grandes, de 11,7 MW, achegando a documentación establecida para o efecto polo Decreto 2617/1966, do 20 de outubro, sobre autorización de instalacións eléctricas, de aplicación para o presente expediente en virtude do disposto na disposición transitoria décimo primeira do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e o Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, de aplicación ó presente expediente, en virtude do disposto na disposición

transitoria segunda do Decreto 302/2001, do 25 de outubro, polo que se regula o aproveitamento da enerxía eólica na Comunidade Autónoma de Galicia e o Real decreto 2818/1998, do 23 de decembro, sobre producción de enerxía eléctrica por instalacións abastecidas por recursos ou fontes de enerxía renovables, residuos e coxeración.

Terceiro.-O proxecto do parque eólico Penas Grandes someteuse a información pública para os efectos previstos no Decreto 2617/1966, do 20 de outubro, e o Decreto 205/1995, do 6 de xullo, xa ditos, mediante resolución da Dirección Xeral de Industria do 3 de xaneiro de 2001, publicado no BOP de Lugo do 19 de febreiro de 2001, no BOP de Pontevedra do 21 de febreiro de 2001, no diario El Progreso

do 13 de xaneiro de 2001 e La Voz de Galicia do 19 de xaneiro de 2001, no DOG do 6 de febreiro de 2001 e nos taboleiros de anuncios dos concellos de Carballedo (Lugo) e Rodeiro (Pontevedra).

Durante o período de información pública presentáronse as seguintes alegacións:

Mª Luísa López Bastos alega que, atendendo ó impacto que a instalación do parque eólico vai ter no contorno, se puxesen os veciños en antecedentes respecto do trazado da liña de tensión.

Por outra parte, María Luísa López Bastos pon de manifesto a súa absoluta desconformidade coa oferta económica que a empresa Elecnor, S.A. realizou ós diferentes propietarios dos terreos nos que se pretende instala-lo parque eólico de Penas Grandes, toda vez que a oferta realizada pola dita empresa é totalmente desproporcionada en relación á que fixo respecto a outros parques eólicos instalados no ámbito da comunidade autónoma, nos que ademais os xeradores eran dunha potencia moi inferior ós que se pretenden instalar.

Cuarto.-O 23 de xaneiro e o 7 de febreiro de 2002, as delegacións provinciais da Consellería de Industria e Comercio de Pontevedra e Lugo, respectivamente, emitiron informe favorable sobre o citado proxecto, coas seguintes características básicas:

Asentamento e coordenadas poligonais:

Nº de aeroxeradores: 9.

Potencia unitaria por aeroxerador: 1.300 kW.

Potencia total instalada: 11,7 MW.

Altura das torres: 50/60 m.

Diámetro do rotor: 60 m.

Producción anual estimada: 28.080 MWh/ano.

Investimento previsto: 8.322.121,37 euros, equivalentes a 1.384.684.486 pesetas.

Características técnicas da infraestructura eléctrica de transformación e interconexión:

-9 centros de transformación (sitos no interior de cada aeroxerador) de 1.600 kVA, 0,69/20 kV e súa correspondente paramenta de seccionamento, manobra e protección.

-Rede colectora subterránea, que percorre o conxunto dos aeroxeradores, interconectándoos coa cela de 20 kV da subestación do parque eólico de Chantada que recolle a enerxía do parque.

Quinto.-O 28 de xaneiro de 2002, a Dirección Xeral de Calidade e Avaliación Ambiental resolveu aproba-la declaración de impacto ambiental do citado parque eólico, sempre e cando se efectúe o desprazamento da gabia de conducción do cableado que xunta os xeradores A-4 e A-5 pola marxe oeste do camiño existente, no contorno dos túmulos de Pena Boa 1 e 2 nas condicións sinaladas pola declaración de impacto ambiental.

Fundamentos de dereito.

Primeiro.-A Dirección Xeral de Industria, Enerxía e Minas é competente para resolver este expediente con fundamento no Estatuto de autonomía de Galicia, Real decreto 2563/1982, do 24 de xullo, o Decreto 132/1982, do 4 de novembro, e o Decreto 15/2002, do 24 de xaneiro, polo que se establece a estructura orgánica da Consellería de Industria e Comercio, en relación co Decreto 2617/1966, do 20 de outubro, disposición transitoria décimo primeira do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedemento de autorización de instalacións de enerxía eléctrica, Decreto 302/2001, do 25 de outubro, e o Real decreto 2818/1998, do 23 de decembro, xa citados.

Segundo.-Á vista das alegacións presentadas, da contestación dada a elas por parte da empresa promotora e do resto de documentación que consta no expediente, queda de manifesto que:

En relación coa alegación formulada por María López Bastos, relativa á oferta económica realizada pola empresa Elecnor, S.A. ós diferentes propietarios, faise constar que non se pode analiza-la valoración económica da alegación, posto que esta se basea nun acordo entre particulares, o cal non ten relación coa tramitación administrativa da solicitude de autorización da instalación.

Por outra parte, no relativo á liña de evacuación de enerxía, esta é obxecto de proxecto separado, non obstante, o trazado aproximado previsto está indicado no apéndice denominado de evacuación de enerxía PP.EE. Serras do Faro e Farelo, dentro dos estudios de impacto ambiental dos proxectos dos parques eólicos.

Terceiro.-No expediente instruído para o efecto cumpríronse os trámites procedementais sinalados no Decreto 2617/1966 e no Decreto 205/1995. Así mesmo, a instalación e o seu proxecto de execución reúnen tódolos requisitos técnicos esixibles.

Esta dirección xeral, de acordo co que antecede e no exercicio das competencias que ten atribuídas,

RESOLVE:

-Autorizar a Elecnor, S.A. a instalación das 9 máquinas recollidas na DIA e dos equipos electromecánicos do parque eólico denominado Penas Grandes.

-Aproba-lo proxecto de execución da dita instalación.

-Recoñecerlle á instalación a condición de instalación acollida ó réxime especial do R.D. 2818/1998 e incluíla no grupo b.2 do artigo 2 do dito real decreto.

Todo iso de acordo coas condicións seguintes:

Primeira.-Elecnor, S.A., para os efectos de garanti-lo cumprimento das súas obrigas, deberá constituír, no prazo dun mes contado desde o outorgamento da presente autorización, unha fianza de 166.442,43 euros, importe do 2% do orzamento que figura no expediente, para garanti-lo cumprimento das súas obrigas, conforme o disposto no artigo 15 do citado Decreto 205/1995, do 6 de xullo.

A dita fianza constituirase na Caixa Xeral de Depósitos da Consellería de Economía e Facenda da Xunta de Galicia, en calquera das formas sinaladas no artigo 1.1º, punto 39 do Decreto 1775/1967, do 22 de xullo, e será devolta unha vez que se formalice a acta de posta en marcha das instalacións.

Segunda.-As instalacións que se autorizan terán que realizarse de acordo coas especificacións e planos que figuran no proxecto presentado pola empresa cun orzamento de 8.322.121,37 euros.

Terceira.-O inicio das obras queda condicionado ó informe favorable da Dirección Xeral de Avaliación Ambiental relativo ó desprazamento da gabia de conducción do cableado que xunta os xeradores A-4 e A-5.

Cuarta.-Para introducir modificacións nas instalacións que afecten a datos básicos do proxecto será necesaria a autorización previa desta Dirección Xeral de Industria, Enerxía e Minas. Así mesmo, as delegacións provinciais de Industria e Comercio de Lugo e Pontevedra poderán autoriza-las modificacións de detalle do proxecto que resulten procedentes, debendo comunicar a esta dirección xeral tódalas resolucións que dicte en aplicación da dita facultade.

Quinta.-O prazo para a posta en marcha das instalacións que se autorizan será de doce meses, contados a partir da data de ocupación de terreos.

Unha vez construídas as instalacións autorizadas, as delegacións provinciais da Consellería de Industria e Comercio de Lugo e Pontevedra inspeccionarán a totalidade das obras e montaxes efectuados e verificarán o cumprimento dos compromisos contraídos por Elecnor, S.A. no seu plan eólico.

Sexta.-Como requisito necesario para a aplicación á citada instalación do réxime especial, o promotor deberá inscribila no Rexistro de Instalacións de Producción de Enerxía Eléctrica en Réxime Especial da Comunidade Autónoma de Galicia, creado pola orde da Consellería de Industria e Comercio do 5 de xuño de 1995 (DOG do 14 de xullo), para o que acreditará o cumprimento das condicións previstas no artigo 12 do R.D. 2818/1998, presentando a documentación que figure nas instruccións que dicte esta dirección xeral en desenvolvemento da dita orde. O parque conectarase co sistema centralizado que para o réxime especial estableza, se é o caso, a Dirección Xeral de Industria, Enerxía e Minas.

Sétima.-Con carácter previo á posta en marcha das instalacións, o órgano competente verificará o cumprimento dos condicionados impostos nesta resolución e na declaración de impacto ambiental do 28 de xaneiro de 2002, así como aquelas que no seu día se emitan conforme o disposto no artigo 7.1º do Decreto 442/1990, do 13 de setembro, de avaliación do impacto ambiental para Galicia.

Oitava.-A Administración reserva para si o dereito de deixar sen efecto a presente autorización por calquera das causas establecidas no artigo 34 do Decreto 1775/1967, do 22 de xullo, por incumprimento das condicións impostas ou por calquera outra causa excepcional que o xustifique.

Novena.-Esta autorización outórgase sen prexuízo de terceiros e independentemente das autorizacións, licencias ou permisos de competencia municipal, provincial ou outros necesarios para a realización das obras das instalacións autorizadas.

Contra a presente resolución, que non é definitiva en vía administrativa, cabe interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución, sen prexuízo de que os interesados poidan interpoñer calquera outro recurso que estimen pertinente.

Santiago de Compostela, 14 de febreiro de 2002.

Ramón Ordás Badía

Director xeral de Industria, Enerxía e Minas