A Presidencia da Xunta Electoral de Galicia, en cumprimento do Decreto 158/2002, da Presidencia da Xunta de Galicia (DOG nº 87, do 7 de maio), procedeu ó nomeamento dos membros integrantes da Xunta Electoral de Galicia.
Deste xeito dáse contido ó disposto no artigo 15 da Lei autonómica 8/1985, do 13 de agosto, de eleccións ó Parlamento de Galicia, onde se establece que os nomeados por decreto, ó comezo de cada lexislatura, permanecerán no exercicio do seu mandato ata a toma de posesión da nova xunta electoral.
Na súa virtude, e ó abeiro do disposto no artigo 18.6º da Lei orgánica 5/1985, do 19 de xuño, e en execución do acordo adoptado pola Xunta Electoral de Galicia na reunión do día de hoxe, esta presidencia resolveu declarar:
O día 13 de maio de 2002 constitúese a Xunta Electoral de Galicia cos seguintes membros:
Presidente: Jesús Souto Prieto, presidente do Tribunal Superior de Xustiza de Galicia (artigo 14.1º a) da Lei 8/1985, do 13 de agosto).
Vicepresidente: Juan Carlos Trillo Alonso, maxistrado do Tribunal Superior de Xustiza de Galicia (artigo 14.1º b)).
Vocais: maxistrados do Tribunal Superior de Xustiza de Galicia (artigo 14.1º c)):
Francisco J. D'Amorín Viéitez.
Juan Luis Martínez López.
Antonio J. Outeiriño Fuente.
Vocais: profesores en activo das facultades de Dereito de Santiago de Compostela e A Coruña (artigo 14.1º d)):
Antonio Xabier Ferreira Fernández.
Ángel Gómez Iglesias Casal.
Jesús Martínez Girón.
José Antonio Portero Molina.
Secretario: José Ramón Cólera Leirado. Letrado maior do Parlamento (artigo 15.2º).
O que se publica para xeral coñecemento.
A Coruña, 13 de maio de 2002.
Jesús Souto Prieto
Presidente da Xunta Electoral de Galicia
Visto e prace
José Ramón Cólera Leirado
Secretario da Xunta Electoral de Galicia
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA