De conformidade co establecido no artigo 48.2º da Lei 1/1997, do solo de Galicia, procédese á publicación do acordo adoptado polo Concello Pleno, en sesión extraordinaria de data 25 de abril de 2002, sendo a súa parte dispositiva a seguinte:
Primeiro.-Resolve-las alegacións presentadas por Julia e Jaime Valero Ruíz, Manuel Miñán Ríos e Inversiones Iñás, S.L., no sentido do informado, estimando a solicitada por Andrés Couto Prado e polo tanto:
a) Destinar ó sistema xeral de zonas verdes e espacios libres un ámbito de 16.569 m actualmente clasificados como solo rústico de protección forestal.
b) Destinar ó sistema xeral de zonas verdes e espacios libres un ámbito de 4.960 m clasificados como reserva de equipamento.
c) Redelimitar o ámbito do SUNP I-33-R no sentido do anteriormente exposto.
d) Modifica-lo trazado do sistema xeral viario para adaptalo ás previsións do Ministerio de Fomento.
e) Incrementa-la edificabilidade de 0,50 a 0,55 m/m.
Segundo.-Aprobar definitivamente a modificación puntual do PXOM obxecto deste expediente na área deste expediente no SUNP I-33-R (Industrial) de Iñás no sentido do exposto no punto primeiro e coa única excepción do sinalado no apartado b). A aprobación debe considerarse parcial pois na modificación introduciuse a estimación da alegación de Andrés Couto Prado que deberá prosegui-lo seu trámite antes de formula-la aprobación definitiva polo Pleno, é dicir, remitir á Consellería de Política Territorial, Obras Públicas e Vivenda para que emita o informe preceptivo e vinculante que lle corresponde. O Pleno considera que a modificación que se propón, relativa á alegación do apartado b), non é substancial dada a escasa incidencia no desenvolvemento territorial.
Terceiro.-Proceder á publicación do acordo no DOG e no BOP.
Cuarto.-Dar traslado á consellería para efectos do previsto no 48.3º da LSG.
Quinto.-Notifica-los interesados.
Sexto.-Contra o presente acordo, que pon fin á vía administrativa, poderá interpoñerse recurso contencioso-administrativo diante do Xulgado ou Sala do Contencioso-Administrativo do Tribunal Superior
de Xustiza de Galicia; de conformidade cos artigos 8, 9 e 10 da Lei 29/1998, do 13 de xullo, reguladora da xurisdicción contencioso-administrativa no prazo de dous meses, contados do día seguinte a aquel en que reciba a notificación do presente acordo. Previa e potestativamente, poderase interpoñer recurso de reposición, de conformidade co artigo 116 da Lei 30/1992, no prazo dun mes, contado desde o día seguinte a aquel no que reciba a devandita notificación.
Nembargantes, de conformidade co artigo 108 da Lei 7/1985, do 2 de abril, reguladora das bases de réxime local, contra os actos de aplicación e efectividade dos tributos locais e dos restantes ingresos de dereito público das entidades locais, poderá interpoñe-lo recurso de reposición previsto na Lei reguladora das facendas locais, segundo a redacción dada pola Lei 50/1998, do 30 de decembro.
Tamén poderá interpoñe-lo recurso extraordinario de revisión, cando concorra algunha das circunstancias previstas no artigo 118 da Lei 30/1992, do 26 de novembro, pola que se aproba o réxime xurídico das administracións públicas e do procedemento administrativo común, nos prazos establecidos no apartado 2º do mesmo artigo 118. Todo isto sen prexuízo do dereito dos interesados a formula-la solicitude e a instancia á que se refiren os artigos 102.1º e 105.2º da devandita lei.
Oleiros, 9 de maio de 2002.
Esther Pita Pita
Alcaldesa-presidenta