O punto 1º do artigo 5 do Decreto 336/1994, do 27 de outubro, polo que se desenvolve a Lei 4/1993, do 14 de abril, de servicios sociais, no relativo ós consellos de servicios sociais establece que a duración do mandato dos vocais representativos será de catro anos, sen prexuizo da súa reelección e da posibilidade de substitución dos titulares e suplentes durante o dito período, por proposta da institución, asociación ou entidade a quen represente.
Así mesmo, o punto 3º do citado decreto establece que os vocais do Consello Galego de Servicios Sociais serán nomeados polo presidente do consello, por proposta da institución, asociación ou entidade a quen representen, e o nomeamento deberá publicarse no Diario Oficial de Galicia.
En data do 5 de marzo de 2002 a Consellería de Sanidade comunica que debido ós cambios producidos nesta consellería, se procede a substituír á vocal titular Mª José Rubio Vidal e ó suplente Francisco José Ameixeiras Álvarez, nomeando no seu lugar a Isauro Gómez Tato como vocal titular e a Sara Fernández Lamas como suplente.
En data do 15 de marzo de 2002 a Consellería da Presidencia, Relacións Institucionais e Administración Pública comunica que debido ós cambios producidos nesta consellería se substitúe como vocal titular a Alfonso Vaquero Marín nomeando no seu lugar a Pedro Puy Fraga.
En data 5 de xuño de 2002 a Consellería de Familia e Promoción do Emprego, Muller e Xuventude comunica que debido ós cambios producidos nesta consellería se procede a substituír ó vocal titular Beatriz
Soutelo Ferro e ó suplente Amparo Castaño Aguado, nomeando no seu lugar a Manuel Vila López como vocal titular e a Mª Pilar Pena Casas como suplente.
Por todo o anterior, en aplicación do disposto no artigo 5 do Decreto 336/1994, do 27 de outubro, e en uso das facultades que me atribúen os artigos 34.6º e 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,
DISPOÑO:
Artigo 1º
Nomear como vocal titular do Consello Galego de Servicios Sociais, en representación da Consellería de Sanidade, a Isauro Gómez Tato, en substitución de Mª José Rubio Vidal e como suplente a Sara Fernández Lamas, en substitución de Francisco José Ameixeiras Álvarez.
Artigo 2º
Nomear como vocal titular do Consello Galego de Servicios Sociais, en representación da Consellería de Familia e Promoción do Emprego, Muller e Xuventude a Manuel Vila López, en substitución de Beatriz Soutelo Ferro e como suplente a Mª Pilar Pena Casas, en substitución de Amparo Castaño Aguado.
Artigo 3º
Nomear como vocal titular do Consello Galego de Servicios Sociais, en representación da Consellería da Presidencia, Relacións Institucionais e Administración Pública, a Pedro Puy Fraga, en substitución de Alfonso Vaquero Marín.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 5 de xullo de 2002.
Corina Porro Martínez
Conselleira de Asuntos Sociais
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA