Pola presente cédula notifícase a Naviera Compostela, S.A. co último domicilio coñecido en avda.

Rosalía de Castro, 114, Santiago de Compostela (A Coruña), mediante publicación no Diario Oficial de Galicia e no taboleiro de edictos do Concello de Santiago de Compostela, que con data do 4 de novembro de 2002, logo de emisión de dictame preceptivo polo Consello Consultivo de Galicia (nº 95/2002), o presidente do ente público Portos de Galicia dictou resolución pola que se declara a caducidade, e conseguinte extinción, da concesión administrativa outorgada por orde ministerial do 6 de febreiro de 1960 a Naviera Compostela, S.A. no porto do Freixo, termo municipal de Outes, destinada a legaliza-la ocupación dunha parcela duns 1.561 m na zona marítimo-terrestre da ribeira do Freixo así como as obras levantadas para depósito e embarque de mercadorías, decretándose na mesma resolución o levantamento e retirada de tódalas obras e instalacións construídas sobre a superficie da concesión.

A declaración de caducidade baséase no incumprimento da cláusula 5ª do título de outorgamento posta en relación coa cláusula 9ª e nos motivos de caducidade previstos no artigo 79 da Lei 22/1988, do 28 de xullo, de costas (BOE nº 181, do 29 de xullo), punto primeiro, letras b) e l).

Todo o que se notifica de conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), facendo saber que a resolución de caducidade esgota a vía administrativa, e contra ela poderá interporse recurso contencioso-administrativo perante o Xulgado do Contencioso-Administrativo número 1 de Santiago de Compostela nun prazo de dous (2) meses contados desde o día seguinte ó da publicación da presente cédula no Diario Oficial de Galicia ou no taboleiro de edictos do Concello de Santiago de Compostela, ou recurso potestativo de reposición perante o presidente do ente público Portos de Galicia no prazo dun (1) mes contado desde a mesma data.

Así mesmo, cítanse os representantes da devandita mercantil para o levantamento da acta de reversión dos terreos, obras e instalacións da concesión caducada ó dominio público portuario, o que terá lugar o vindeiro xoves 28 de novembro de 2002 ás 11 horas.

E para que conste e lles sirva de notificación, e en cumprimento do disposto no artigo 59.4º da LRX e PAC, expido, asino e selo esta cédula.

En Santiago de Compostela, 5 de novembro de 2002.

Ana Isabel Calzadilla Bouzón

Xefa da Área de Explotación e Planificación