O Consello da Xerencia Municipal de Urbanismo en sesión do 7 de novembro de 2002 adoptou entre outros o acordo de aprobar inicialmente o proxecto reformado do de urbanización da unidade de actuación Fraga presentado pola xunta de compensación da mesma urbanización do ámbito dese polígono, redactado polos arquitectos Eduardo e Arturo Fraga Fernández, visado polo colexio profesional o 30 de setembro e o 21 de outubro de 2002.

Sométese este expediente ó tramite de información pública polo prazo dun mes, mediante publicación no DOG, nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º O prazo de exposición pública entenderase aberto desde a primeira publicación ata o remate do mes contado desde o último anuncio.

A documentación do presente expediente está ó dispor do público en xeral na oficina de información urbanística, na planta baixa da xerencia.

Este anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todas aquelas persoas propietarias ou interesadas directamente afectadas que por resultar descoñecidas ou por ignora-lo seu domicilio non poidan ser notificadas persoalmente.

Vigo, 7 de novembro de 2002.

Lois Pérez Castrillo

Alcalde-presidente da Xerencia Municipal de Urbanismo