Cumprido o acordo da Comisión de Goberno do día 28 de outubro de 2002, no que prestou aprobación ó texto íntegro das bases xerais e específicas da convocatoria pública para a provisión de prazas vacantes existentes no cadro de persoal e contidas na oferta de emprego público de 2001 e no exercicio das atribucións conferidas á alcaldía polo artigo 21.1º g) da Lei 7/1985 reguladora das bases de réxime local e artigo 41.14º a) do Real decreto 2586/1986, do 28 de novembro, polo que se aproba o Regulamento de organización, funcionamento e réxime xurídico das entidades locais, dispoño a publicación da convocatoria pública de probas selectivas para a provisión das seguintes prazas vacantes reservadas a funcionarios contidas na oferta de emprego público 2001:

Dúas (2) de técnico da escala de Administración xeral, subescala técnica, integradas no grupo A. Sistema de selección: oposición libre.

Dúas (2) de administrativo da escala de Administración xeral, subescala administrativa, integradas no grupo C. Sistema de selección: 1 oposición libre e 1 promoción interna (concurso-oposición restrinxido).

Dúas (2) de auxiliar da escala de Administración xeral, subescala auxiliar, integradas no grupo D. Sistema de selección: 1 oposición libre e 1 promoción interna (concurso-oposición restrinxido).

Unha (1) de arquitecto técnico da escala de Administración especial, subescala técnica, clase técnico medio, integrada no grupo B, Sistema de selección: oposición libre.

Unha (1) de delineante da escala de Administración especial, subescala técnica, clase técnico auxiliar, integrada no grupo C. Sistema de selección: oposición libre.

Unha (1) de oficial albanel da escala de Administración especial, subescala de servicios especiais, clase persoal de oficios, categoría oficial, integrada no grupo D. Sistema de selección: promoción interna (concurso-oposición restrinxido).

Unha (1) de suboficial da escala de Administración especial, subescala servicios especiais, clase policía local, integrada no grupo C. Sistema de selección: promoción interna (concurso de méritos).

Unha (1) de cabo da escala de Administración especial, subescala servicios especiais, clase policía local, integrada no grupo D. Sistema de selección: promoción interna (concurso de méritos).

Tres (3) de bombeiro-conductor da escala de Administración especial, subescala servicios especiais, clase servicio de extinción de incendios, integrada no grupo D. Sistema de selección: oposición libre.

As probas selectivas convocadas rexeranse polas bases xerais e específicas nas que se sinalan os requisitos para o ingreso e os procedementos de selección, texto que se publicou no BOP número 217, do día 12 de novembro de 2002, computándose o prazo de 20 días naturais para a presentación de instancias a partir da publicación da convocatoria no Boletín Oficial del Estado.

O que se fai público para xeral coñecemento e efectos legais pertinentes.

Pontevedra, 15 de novembro de 2002.

Xosé Cesáreo Mosquera Lorenzo

Alcalde accidental