Ós efectos previstos na Lei 54/1997 do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decem

bro (BOE nº 310), sobre autorización de instalacións de enerxía eléctrica, e no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal (DOG nº 75) sométese a información pública a petición da autorización administrativa, aprobación do proxecto de execución e a declaración de utilidade pública, en concreto, da instalación eléctrica que se describe:

Solicitante: Parque Eólico A Carba, SAU.

Enderezo Social: rúa do Castiñeiriño, 12-3º. 15702 Santiago de Compostela (A Coruña).

Denominación: subestación de Carballeira e L.A.T. 132 kV S.E. Carballeira L.A.T. Bustelo-Tesouro.

Situación: As Pontes de García Rodríguez.

Descricións técnicas: liña eléctrica subterránea de media tensión, a 20 kV, baixo tubo en conductor R.H.Z.1 15/25 kV de 3 x(1x300) mm Al, de 514 metros de lonxitude, con orixe en arqueta de saída do Parque Eólico de Carballeira e final na subestación de Carballeira. Subestación transformadora intemperie equipada con transformador de 26/32 MVA e relación de transformación 20/132 kV, celas de media tensión 20 kV, transformador de servicios auxiliares de 50 kVA e relación 20/0,380 kV, aparellaxe de medida, protección, telemando e telecontrol.

-Liña eléctrica aérea de alta tensión, a 132 kV, sobre torres metálicas de celosía, con conductor LA-110, de 2.074 metros de lonxitude, con orixe en pórtico da subestación de Carballeira e final no apoio nº 47 da L.A.T. Bustelo-Tesouro, acompañado en todo o recorrido por cable OPGW de 24 fibras para telecomunicacións, discorrendo polo Concello das Pontes de García Rodríguez.

A relación concreta e individualizada dos bens ou dereitos afectados polo procedemento de expropiación forzosa figura como anexo.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15701 A Coruña, no prazo dun mes, a partir da última publicación ou notificación individual.

Así mesmo, o proxecto sectorial poderase examinar no Concello das Pontes de García Rodríguez e nas dependencias da Delegación Provincial da Consellería de Industria e Comercio da Coruña, podendo presentarse cantas alegacións se considerasen pertinentes ante a Delegación Provincial de Industria e Comercio da Coruña, dentro do prazo sinalado anteriormente.

A Coruña, 15 de xaneiro de 2003

Jesús Espada Martínez

Delegado provincial da Coruña

Relación de propietarios, bens e dereitos afectados

Denominación: subestación de Carballeira e L.A.T 132 kV S.E. Carballeira-L.A.T Bustelo-Tesouro

Concello: As Pontes de García Rodríguez.