A Comisión de Goberno, na súa sesión do día 27 de xaneiro de 2003, aprobou incialmente a modificación puntual do Plan especial de protección e rehabilitación da cidade histórica na rúa Lagartos, número 44, redactada polos servicios técnicos municipais.
De conformidade co diposto no artigo 86.1º a) da Lei 9/2002, do 30 de decembro, de ordenación urbanística e protección do medio rural de Galicia, o expediente sométese a información pública durante o prazo dun mes, contado desde o día seguinte ó da publicación deste anuncio no Diario Oficial de Galicia. Durante o citado prazo, os interesados poderán consulta-lo expediente na Sección de Planeamento e Xestión e formular por escrito as alegacións que xulgen oportunas.
De acordo co previsto no citado artigo 86.1º a) indícase de seguido a relación dos titulares que figuran no catastro e no Rexistro da Propiedade:
Catastro Rexistro da propiedade
Referencia catastral Titular Titular
80783-07-NH3487G-0001-TZ Jesusa del Río del Río
80783-08-NH3487G-0001FZ Purificación Álvarez Álvarez Javier Baltar Boilève e
80783-09-NH3487G-0001-MZ Mariano Mujico Raviña Beatriz Lorenzo Collazo
A aprobación inicial determina, por aplicación do disposto no artigo 77.2º da citada lei, a suspensión do procedemento de outorgamento de licencias no ámbito afectado pola modificacion, na medida en que resulten incompatibles co novo réxime urbanístico. A suspensión, que terá duración máxima de dous anos contados desde o acordo de aprobación inicial, extinguirase en todo caso co acordo de aprobación definitiva da modificación.
Este anuncio servirá de edicto de notificación, de acordo co previsto no artito 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común ós propietarios que non poidan ser notificados individualmente por resultar descoñecido o seu paradoiro.
Santiago de Compostela, 19 de febreiro de 2003.
Xosé A. Sánchez Bugallo
Alcalde
