Resolución do 13 de decembro de 2002 referente á convocatoria para prover varias prazas. No BOP da Coruña número 6, do 9 de xaneiro de 2003, aparecen publicadas na súa integridade as bases para a provisión das seguintes prazas, incluídas dentro da oferta de emprego público deste concello para o ano 2002.

1 asesor xurídico, 1 arquitecto superior, 1 técnico medio, grupo B, subescala de xestión, 1 arquitecto técnico ou aparellador, 1 sarxento da policía local e 1 cabo da policía local.

As instancias para participar no proceso selectivo para cubri-las prazas anteriormente citadas presentaranse no prazo de vinte días naturais, contados desde o seguinte ó da publicación deste anuncio.

Os sucesivos anuncios referentes a esta convocatoria publicaranse exclusivamente no BOP da Coruña e no taboleiro de edictos da casa do concello.

Betanzos, 13 de xaneiro de 2003.

Manuel Lagares Pérez

Alcalde