Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de portos do Estado e da mariña mercante, na Lei 22/1998, de costas, no seu regulamento, aprobado por Real decreto 1471/1989, do 1 de decembro, e nas demais normas de procedente aplicación; acordouse en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa as seguintes concesións en

dominio público portuario, con suxeición ás condicións estipuladas nos pregos de condicións correspondentes.

Resolución: 20-12-2002.

Obxecto: construcción de edificio para centro cultural veciñal da parroquia de Sobrán e dotalo de instalacións axeitadas para o adestramento do remo e almacenaxe de embarcacións.

Porto: Vilaxoán.

Adxudicatario: Concello de Vilagarcía de Arousa.

Prazo: 20 anos.

Resolución: 20-1-2003.

Obxecto: modificación da concesión administrativa outorgada por Resolución do 19-10-2000 para a construcción dun local para almacén e instalacións do club no porto de Corcubión, consistente na instalación dun bar nunha dependencia do local en cuestión.

Porto: Corcubión.

Adxudicatario: Club Marítimo Carrumeiro.

Prazo: ata o 24-10-2015.

Resolución: 3-3-2003.

Obxecto: legalización de almacén de aceites, material de recambios para barcos e taller de reparación de pezas destes.

Porto: Burela.

Adxudicatario: Frenos Carpe, S.L.

Prazo: 15 anos.

Contra os citados actos administrativos, que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ó da publicación da resolución que faga público o outorgamento.

Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 18 de marzo de 2003.

Carlos Negreira Souto

Presidente do ente público Portos de Galicia