A Lei 13/1991, do 9 de decembro, de taxas, prezos e exaccións parafiscais da Comunidade Autónoma de Galicia, no seu artigo 6 sinala a obriga de que os prezos privados sexan fixados polas consellerías correspondentes, logo de informe favorable da Consellería de Economía e Facenda, e publicados no Diario Oficial de Galicia.
Para cumprir este mandato e despois de emitido o preceptivo informe favorable da Consellería de Economía e Facenda, esta consellería
DISPÓN:
Artigo único.
1. Queda aprobado o prezo de venda ó público da publicación editada pola Consellería de Sanidade e que se relaciona no anexo.
2. Este prezo entenderase con IVE incluído.
3. Déixanse sen efecto os prezos de venda ó público aprobados no seu día, das seguintes publicacións:
-Guía de procedimientos de prevención y control de enfermedades transmisibles en el medio hospitalario. PVP: 51, 29 euros; prezo aprobado pola Orde do 30 de decembro de 1999.
-Guía de procedementos de prevención e control de enfermidades transmisibles no medio hospitalario. PVP: 51,29 euros; prezo aprobado pola Orde do 23 xullo de 1999.
Santiago de Compostela, 3 de abril de 2003.
José María Hernández Cochón
Cconselleiro de Sanidade
ANEXO I
Observatorio de Galicia sobre drogas. Informe xeral 2002: 17 euros.