Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Velle-A Batundeira, 2, 32960 Ourense.

Denominación: ampliación da subestación Barbaña 132/20 kV.

Situación: Alameda, Ourense.

Descrición técnicas: ampliación da subestación Barbaña cun 2º transformador de potencia (xa fora previsto no expte. 1994/1983) de 50 MVA, cunha relación de transformación de 132.000/20.000 kV. Instálanse celas de protección do transformador no lado de 132 kV e no lado de 20 kV, elementos de mando, protección das celas, manobra e medida.

Cumpridos os trámites ordenados na Lei 54/1997, do 27 de novembro, e no capítulo II do R.D. 1955/2000, do 1 de decembro, sobre autorización de instalación eléctrica, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo de vinte días contados a partir

do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 24 de marzo de 2003.

Ramón Fernández-Linares Bouza

Delegado provincial de Ourense