Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. e C.T. Travesía de Arteixo, 303.

Situación: Arteixo.

Descricións técnicas: liña eléctrica subterránea de media tensión a 15 kV, baixo tubo e con conductor R.H.V. 12/20 kV de 3(1x240) mm Al, de 200 m de lonxitude coa orixe e final na liña que alimenta o C.T . Centro de saúde, unha vez entre e saia do C.T. Travesía de Arteixo nº 330, que se vai instalar.

Centro de transformación no baixo do edificio de vivendas, de 250 kVA e tensións de 15.000/380-220 V na r/ Travesía de Arteixo nº 303. Concello de Arteixo.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 4 de abril de 2003.

Jesús Espada Martínez

Delegado provincial da Coruña