Coa finalidade de satisface-la crecente necesidade social de coñece-los idiomas europeos e os cooficiais do Estado español, créase polo Decreto 239/1989, do 19 de outubro (DOG do 13 de novembro), a Escola Oficial de Idiomas de Ferrol (A Coruña) e pola Orde do 13 de novembro de 1989 (DOG do 29 de novembro) autorízase a posta en funcionamento.

Examinado o expediente promovido pola dirección da mencionada escola, polo que solicita a implantación das ensinanzas do idioma italiano, así como os correspondentes informes, esta consellería, de conformidade co establecido no artigo 1 do Decreto 213/1998, do 10 de xullo (DOG do 23 de xullo) e por proposta da Dirección Xeral de Centros e Ordenación Educativa,

DISPÓN:

Primeiro.-Autoriza-la Escola Oficial de Idiomas de Ferrol (A Coruña) a imparti-las ensinanzas corres

pondentes ó idioma italiano. As ditas ensinanzas implantaranse progresivamente, iniciando o 1º curso no 2003-2004, quedando a configuración do dito centro segundo figura no anexo.

Segundo.-Autoriza-la Dirección Xeral de Centros e Ordenación Educativa para adopta-las medidas precisas para a execución da presente orde.

Santiago de Compostela, 30 de xuño de 2003.

Celso Currás Fernández

Conselleiro de Educación e Ordenación

Universitaria

ANEXO

Provincia: A Coruña.

Concello: Ferrol.

Localidade: Ferrol.

Denominación: Escola Oficial de Idiomas de Ferrol.

Código: 15026546.

Idiomas: alemán, francés, galego, inglés e italiano.