Antecedentes de feito.

1. Denuncia.

Data: 10 de outubro de 2001.

Lugar: Mazoi (Lugo).

Feitos: realizar un recheo dunha leira con entullos nos que había asfalto, plástico, terra, pedras, etc., procedendo así á eliminación incontrolada destes residuos.

Denunciante: policía autonómica.

Denunciado: Construcciones Sal.

CIF: B-27006949.

2. Acordo de iniciación.

Data: 28 de xaneiro de 2003.

Intentada sen éxito a notificación do dito acordo de incoación procedeuse á súa publicación no taboleiro de anuncios do Concello de Lugo e no Diario Oficial de Galicia para que dentro do prazo de quince días, contados a partir do día seguinte ó da notificación achegase documentos, formulase alegacións ou propuxera cantas probas conviñesen ó seu dereito.

Alegacións: o denunciado non presenta escrito de alegacións.

3. Proposta de resolución.

Data: 5 de maio de 2003.

Intentada sen éxito a notificación da proposta de resolución procedeuse á súa publicación no taboleiro de anuncios do Concello de Lugo e no Diario Oficial de Galicia para que dentro do prazo de quince días contados a partir do día seguinte ó da notificación achegase documentos, formulase alegacións e presentase os documentos e informacións que estimese pertinentes.

Proposta: que se considere a Construcciones Sal, autora dunha infracción administrativa tipificada como grave no artigo 34.3º b) da Lei de residuos 10/1998, do 21 de abril, e se lle sancione coa multa de 601,02 euros.

4. Alegacións á proposta de resolución.

Conferido o trámite de audiencia establecido no artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado non presenta escrito de alegacións.

Fundamentos de dereito.

I. Tramitación: o expediente iniciouse e instruiuse conforme o disposto nas normas legais aplicables, en particular na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro; no Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, e na Lei 10/1998, do 21 de abril, de residuos.

II. Competencia: a competencia para a resolución do presente procedemento sancionador correspóndelle ó conselleiro de Medio Ambiente da Xunta de Galicia de conformidade co disposto nos artigos 45.2º b) da Lei 1/1995, do 2 de xaneiro, de protección ambiental de Galicia, en relación co Decreto 14/2002, do 24 de xaneiro, polo que se establece a estructura orgánica da Consellería de Medio Ambiente.

III. A denuncia, o acordo de incoación e a proposta de resolución, cumpren os requisitos formais e foron debidamente notificadas, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

IV. En canto á proba dos feitos, cómpre manifestar que coa denuncia do 10 de outubro de 2001, quedan acreditados, dun xeito indubitado, os feitos imputados, que están demostrados pola presunción de veracidade e certeza da que gozan as denuncias formuladas polos axentes da autoridade no exercicio das súas funcións de conformidade co disposto nos artigos 17.5º do Real decreto 1398/1993, do 4 de agosto, que aproba o Regulamento do procedemento para o exercicio da potestade sancionadora e o 137.3º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. Ademais a sentencia do Tribunal Supremo do 13-12-1998 «as denuncias dos axentes da autoridade constitúen unha comprobación inmediata e directa dos feitos, análoga á do delicto flagrante, e que no caso das infraccións administrativas destrúe a presunción de inocencia».

O alegante non destrúe esta presunción mediante proba en contrario. Queda pois probado o feito do vertido de residuos, en concreto ferros, plásticos, terra e pedra. Os citados feitos constitúen unha infracción administrativa tipificada como grave no artigo 34.3º b) da Lei 10/1998, do 21 de abril, de residuos, que recolle «o abandono, vertido ou eliminación incontrolada de calquera tipo de residuos non perigosos, sen que se producise dano ou deterioración grave para o ambiente ou sen ter posto en perigo grave a saúde das persoas». Para a devandita infracción o artigo 35.1º b) establece unha sanción de 601,02 euros ata 30.050,61 euros, excepto en residuos perigosos que sera de 6.010,12 euros ata 300.506,05 euros.

Imponse a sanción no seu grao mínimo, 601,02 euros, que se estima proporcionada á infracción cometida de acordo cos artigos 35.2º da Lei 10/1998, do 21 de abril, de residuos e artigo 131 da Lei 30/1992, do 26 de novembro, de réxime xurídico das administracións públicas e do procedemento administrativo común.

Resolución:

Examinada a documentación que consta no expediente sancionador de residuos número ESCA 126/02-LU e vistas as devanditas disposicións legais, resolvo sancionar a Construcciones Sal con multa de 601,02 euros (seicentos un euros e dous céntimos).

O que lle notifico para os efectos previstos no artigo 58 da Lei 30/1992, do 26 de novembro, de réxime xurídico das administracións públicas e do procedemento administrativo común, na súa redacción dada pola Lei 4/1999, do 13 de xaneiro.

Recurso:

Contra esta resolución que pon fin á vía administrativa, poderase interpoñer recurso de reposición con carácter potestativo perante o conselleiro de Medio Ambiente no prazo dun mes ou ben interpoñer directamente o recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día seguinte ó da recepción da notificación.

O que lle notifico para os efectos previstos no artigo 58.2º da devandita Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Pagamento:

O importe da sanción debera ser ingresado (utilizando o importe de pagamento que se xunta) dentro do prazo de 15 días hábiles contados desde o momento en que a resolución sexa firme, en Caixa Galicia cta. contable 840, código 001 ou en Caixanova Recaudación Xunta, modelo XTAX; de non face-lo ingreso dentro dese prazo, procederase sen máis trámite á súa recadación pola vía de constrinximento.

Lugo, 16 de xullo de 2003.

José Manuel Barreiro Fernández

Conselleiro de Medio Ambiente