A Orde da Consellería de Innovación, Industria e Comercio do 3 de xuño de 2003 (DOG nº 110, do 9 de xuño), aprobaba as bases da convocatoria de bolsas para a realización de prácticas para estudiantes de último curso ou recentemente titulados en especialidades agrarias no Centro de Investigación Agrarias de Mabegondo.

No artigo 7 da mencionada orde de convocatoria, determinábanse os criterios de selección que deberían ter en conta os membros da comisión correspondente.

Na súa virtude, e atendendo a proposta elaborada pola citada comisión, esta consellería

RESOLVE:

Primeiro.-Concedérlle-las bolsas para a realización de prácticas no Centro de Investigacións Agrarias de Mabegondo para estudiantes de último curso ou recentemente titulados en especialidades agrarias, ás persoas que se relacionan no anexo I desta orde. As bolsas financiaranse con cargo á aplicación

orzamentaria 08.05.432A-480.0 dos orzamentos xerais da Comunidade Autónoma de Galicia para o ano 2003 cofinanciada polo Fondo Social Europeo (FSE).

Segundo.-Para os efectos de cubri-las renuncias que poidan producirse, establécese a lista de suplentes, que figura como anexo II desta orde, relacionados por orde decrecente de prioridade.

Terceiro.-A inobservancia por parte dos beneficiarios de calquera das bases establecidas na Orde do 3 de xuño de 2003 (DOG nº 110, do 9 de xuño) suporá a perda do dereito a percibi-la axuda correspondente.

Cuarto.-Contra esta resolución poderán os interesados interpoñer recurso potestativo de reposición perante o conselleiro de Innovación, Industria e Comercio, no prazo dun mes que comezará a contar a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 7 de agosto de 2003.

P.D. (Orde 21-1-2003)

Jesús Vázquez San Luis

Secretario xeral da Consellería de Innovación,

Industria e Comercio

ANEXO I

ANEXO II