Descargar PDF Galego | Castellano

DOG - Xunta de Galicia -

Diario Oficial de Galicia
DOG Núm. 236 Xoves, 04 de decembro de 2003 Páx. 14.881

III. OUTRAS DISPOSICIÓNS

CONSELLERÍA DE INNOVACIÓN, INDUSTRIA E COMERCIO

ORDE do 27 de novembro de 2003 pola que se establecen os domingos e festivos nos que se autoriza a apertura de establecementos comerciais durante o ano 2004.

De acordo co disposto no artigo 3 punto 2º do Decreto 365/1996, do 26 de setembro, polo que se regulan os horarios comerciais no ámbito da Comunidade Autónoma de Galicia, modificado polo Decreto 98/1998, do 20 de marzo, a Consellería de Innovación, Industria e Comercio fixará anualmente oito domingos e festivos, que se consideraran hábiles para os efectos do exercicio da actividade comercial en todo o territorio da Comunidade Autónoma de Galicia.

O Real decreto lei 6/2000, do 23 de xuño, de medidas urxentes de intensificación da competencia en mercados de bens e servicios, establece no seu artigo 43.un.2 que os domingos e festivos nos que os comercios poderán permanecer abertos ó publico serán como mínimo doce no ano 2004.

En aplicación dos citados preceptos, logo de consulta efectuada cos axentes socioeconómicos interesados, e tendo en conta o interese xeral do comercio e dos consumidores, procédese á fixación dos 12 domingos e festivos que, para os efectos do exercicio da actividade comercial, terán a condición de hábiles durante o ano 2004,

DISPOÑO:

Artigo 1º

Os domingos e festivos nos que os establecementos comerciais poderán permanecer abertos ó público cun horario máximo de 12 horas diarias durante o ano 2004 son:

4 de xaneiro.

11 de xaneiro.

8 de abril.

2 de maio.

4 de xullo.

3 de outubro.

1 de novembro.

5 de decembro.

8 de decembro.

12 de decembro.

19 de decembro.

26 de decembro.

Artigo 2º

O disposto no artigo anterior entenderase sen prexuízo das normas xerais que, en materia de hora

rios comerciais, establece o artigo 43 do Real decreto lei 6/2000, e o Decreto 365/1996, do 26 de setembro, no que non se opoña ó citado real decreto lei.

Disposición transitoria

En tanto non se proceda a adapta-lo Decreto 365/1996, do 26 de setembro, polo que se regulan os horarios comerciais na Comunidade Autónoma de Galicia, ó disposto no Real decreto lei 6/2000, os mínimos que fixa o artigo 43.un.2 do citado real decreto lei terán a consideración de límites máximos na Comunidade Autónoma de Galicia.

Disposición derradeira

Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 27 de novembro de 2003.

Juan Rodríguez Yuste

Conselleiro de Innovación, Industria e Comercio