A Orde do 29 de abril de 2002 (DOG do 15 de maio), pola que se aproban as bases que rexerán as convocatorias de axudas correspondentes ás accións do Programa Sectorial de Tecnoloxías para a Innovación do Plan Galego de Investigación, Desenvolvemento e Innovación Tecnolóxica e se procede á súa convocatoria, prevé no seu anexo VII a concesión de axudas correspondentes ó Programa de Tecnoloxías de Deseño e Producción Industrial.

Por Resolución do 22 de outubro de 2003 adxudicáronse as axudas correspondentes ó Programa de Tecnoloxías de Deseño e Producción Industrial convocadas no anexo VII da Orde do 29 de abril de 2002 (Diario Oficial de Galicia do 15 de maio) e na Orde do 28 de febreiro de 2003 (DOG do 13 de marzo).

A Orde do 28 de febreiro de 2003 (DOG do 13 de marzo) pola que se modifican as bases e se procede á convocatoria para o ano 2003 das axudas correspondentes ó mencionado programa sectorial, establece no seu punto primeiro que os créditos asignados poderán incrementarse en función das peticións presentadas e de acordo coas dispoñibilidades deles.

De acordo co Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio e se distribúe a competencia para o exercicio da potestade sancionadora entre os seus órganos, as competencias atribuídas á Secretaría Xeral de Investigación e Desenvolvemento foron asumidas pola Dirección Xeral de Investigación e Desenvolvemento da Consellería de Innovación, Industria e Comercio.

Na súa virtude, de acordo co establecido nas bases da citada orde de convocatoria e na Orde do 28 de febreiro de 2003 (DOG do 13 de marzo), e, tendo coñecemento e existindo remanentes de crédito, unha vez resoltas tódalas convocatorias dos programas sectoriais correspondentes ó ano 2003, por proposta elaborada pola comisión de selección prevista no punto 6 das bases da convocatoria, esta consellería

RESOLVE:

Primeiro.-Incrementa-la axudas concedidas na Resolución do 22 de outubro de 2003 (DOG do 29 de outubro) ós proxectos de I+D e de innovación tecnolóxica para empresas, agrupacións de empresas e asociacións sen ánimo de lucro, que se indican no anexo I da presente resolución.

Segundo.-Modifica-la distribución da axuda concedida na Resolución do 22 de outubro de 2003 (DOG do 29 de outubro) ó proxecto de I+D e de innovación tecnolóxica para empresas, agrupacións de empresas e asociacións sen ánimo de lucro, que se indica no anexo II da presente resolución.

Terceiro.-Concede-la axuda para a realización do proxecto de I+D e de innovación tecnolóxica para empresas, agrupacións de empresas e asociacións sen ánimo de lucro que se indica no anexo III, ampliando así as axudas concedidas por Resolución do 22 de outubro (DOG do 29 de outubro).

Cuarto.-A inobservancia por parte dos beneficiarios de calquera das bases establecidas na orde da convocatoria suporá a perda do dereito a percibi-la subvención correspondente.

Quinto.-Contra esta resolución poderase interpoñer potestativamente recurso de reposición ante o mesmo órgano no prazo dun mes que se contará a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses que se contará a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 26 de novembro de 2003.

P.D. (Orde 21-1-2003)

Jesús Vázquez San Luis

Secretario xeral da Consellería de Innovación,

Industria e Comercio

ANEXO I

Distribución inicial das axudas

Aplicación orzamentaria: 08.05.432A.770.0

(1) AS AXUDAS SINALADAS CUN 1 ESTÁN COFINANCIADAS CON FONDOS ADICIONAIS DO PROGRAMA FEDER-MAC INCLUIDOS NO PLAN DE DINAMIZACIÓN DE GALICIA.

(2) AS AXUDAS SINALADAS CUN 2 ESTÁN COFINANCIADAS CON FONDOS DO PROGRAMA FEDER-MAC.

Nova distribución das axudas

Aplicación orzamentaria: 08.05.432A.770.0

(1) AS AXUDAS SINALADAS CUN 1 ESTÁN COFINANCIADAS CON FONDOS ADICIONAIS DO PROGRAMA FEDER-MAC INCLUIDOS NO PLAN DE DINAMIZACIÓN DE GALICIA.

(2) AS AXUDAS SINALADAS CUN 2 ESTÁN COFINANCIADAS CON FONDOS DO PROGRAMA FEDER-MAC.

ANEXO II

Distribución inicial da axuda

Aplicación orzamentaria: 08.05.432A.770.0

Nova distribución da axuda

Aplicación orzamentaria: 08.05.432A.770.0

ANEXO III

Anualidade 2003: aplicación orzamentaria 08.03.432A.770.0

Anualidades 2004 e 2005: aplicación orzamentaria 08.05.432A.770.0