Dentro do plan de actividades da Escola Galega de Administración Pública para o ano 2011 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócase, en colaboración coa Dirección Xeral de Administración Local, a Xornada sobre a Directiva de servizos e a Administración local, conforme as seguintes bases:
1. Obxectivos.
Proporcionar información aos asistentes sobre a Directiva de servizos e a súa incidencia no funcionamento actual das entidades locais, con especial incidencia na determinación do réxime de licenzas en materia de ambiente e urbanismo.
Estudo da necesidade de adaptación das ordenanzas locais á Directiva de servizos.
2. Contidos.
Serán tratados, entre outros, os seguintes temas:
– O marco normativo da Directiva de servizos e a súa incidencia no réxime local.
– A Directiva de servizos e as licenzas de actividade.
– A Directiva de servizos e a súa incidencia no réxime de concesión de licenzas e autorización no ámbito urbanístico.
– A declaración responsable aplicada ao réxime de licenzas: o exemplo de Vigo.
– A colaboración das entidades privadas no exercicio das funcións administrativas de verificación, inspección e control no ámbito urbanístico.
– Mesa redonda: a problemática da Directiva de servizos no momento actual. Análise de situación e perspectivas de futuro.
3. Destinatarios.
Responsables das corporacións locais, secretarios municipais e outro persoal ao servizo da Administración local, así como interesados en xeral.
4. Desenvolvemento.
Esta xornada desenvolverase na Escola Galega de Administración Pública (EGAP) o día 27 de decembro de 2011.
Duración: 7 horas lectivas, en horario de mañá e tarde.
5. Número de prazas.
Limitado pola capacidade do local.
6. Solicitudes.
As solicitudes irán dirixidas ao director da Escola Galega de Administración Pública (Polígono das Fontiñas, rúa Madrid, 2-4, CP 15707 Santiago de Compostela), segundo o modelo que figura como anexo a esta convocatoria, e serán presentadas no Rexistro Xeral da EGAP, ou ben de calquera das formas previstas no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común. Serán admitidas inscricións por medio de fax enviado ao número 981 54 63 30 ou por correo electrónico dirixido ao enderezo novas.egap@xunta.es
As persoas solicitantes poderán obter a confirmación da súa admisión se chaman por teléfono, das 8.30 ás 14.30 horas, aos seguintes números: 981 54 62 41 - 881 99 70 14.
7. Prazo:
O prazo de presentación de solicitudes finalizará o día 23 de decembro de 2011.
8. Modificacións.
A EGAP reserva para si a facultade de interpretar e de resolver as incidencias que poidan xurdir no desenvolvemento desta xornada, así como a facultade de cancelala se o escaso número de solicitudes non xustificase a súa realización.
9. Certificado de asistencia.
Seralles entregado un certificado de asistencia, ao final da xornada, a aquelas persoas inscritas que participasen asiduamente, e sempre que a súa asistencia sexa igual ou superior ao 85% das horas lectivas programadas. Neste documento aparecerán de forma expresa o contido, a data e o lugar de realización desta xornada.
Santiago de Compostela, 14 de decembro de 2011.
Pablo Figueroa Dorrego
Director da Escola Galega de Administración Pública
Folla de inscrición
1. Solicitante |
Apelidos Nome DNI |
2. Datos profesionais |
Posto de traballo/ profesión Corpo, subgrupo ou escala (1) Nivel (2) |
Entidade en que presta servizos: (3) |
Enderezo do posto de traballo: Rúa N.º Localidade Provincia CP Tfno. Correo electrónico: |
3. Actividade solicitada |
Solicita asistir á Xornada sobre a Directiva de servizos e a Administración local que se desenvolverá na Escola Galega de Administración Pública (EGAP) o día 27 de decembro de 2011. Sinatura, .................................................., ......... de....................................... de 2011 Os datos de carácter persoal contidos no impreso poderán ser incluídos nun ficheiro para o seu tratamento por este órgano administrativo, como titular responsable deste, no uso das funcións propias que teñen atribuídas e no ámbito das súas competencias. Así mesmo, infórmase da posibilidade de exercer os dereitos de acceso, rectificación, cancelación e oposición, todo isto de conformidade co disposto no art. 5 da Lei orgánica 15/1999, de protección de datos de carácter persoal (BOE n.º 298, do 14 de decembro). |
(1, 2 e 3): cubrir só en caso de ser funcionario ou funcionaria.
Director da EGAP. Polígono das Fontiñas, rúa Madrid, 2-4, CP 15707 Santiago de Compostela (A Coruña)