No Xulgado do Contencioso-Administrativo número 4 da Coruña tramítase o recurso 371/2011 (procedemento abreviado), interposto por Elvira Suso Cabanela, contra a resolución que desestima o recurso de alzada presentado fronte á resolución definitiva do procedemento de mobilidade interna convocado pola Xerencia do Complexo Hospitalario Universitario A Coruña para ocupar vacantes correspondentes ao persoal estatutario fixo, categoría de ATS/DUE, convocado mediante Resolución do 29 de xullo de 2010 (Anuncio do 3 de agosto de 2010, publicado no Diario Oficial de Galicia núm. 159, do 19 de agosto).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de novembro de 2011.

Esperanza Fernández Lago
Directora de Recursos Humanos