No Xulgado do Contencioso-Administrativo número 1 de Ferrol tramítase o recurso 255/2011 (procedemento abreviado) de Luis Víctor Ruíz Rodríguez, contra a desestimación por silencio administrativo do recurso de alzada presentado contra a Resolución do director da Área Sanitaria de Ferrol do 8 de febreiro de 2011, que desestima a solicitude de paralización do procedemento de mobilidade interna voluntaria do persoal estatutario fixo das categorías de persoal sanitario diplomado, sanitario de formación profesional e persoal de xestión e servizos da Área Sanitaria de Ferrol, convocado pola Resolución do 28 de setembro de 2010 (Anuncio do 29 de setembro de 2010 publicado no Diario Oficial de Galicia núm. 195, do 8 de outubro) e acorda a anulación de todos os actos, en relación co artigo 28 da Lei 30/1992.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 2 de decembro de 2011.

Esperanza Fernández Lago
Directora de Recursos Humanos