Vista a proposta elevada polo tribunal cualificador das probas selectivas para o ingreso, polo sistema de acceso libre, na escala de auxiliares de arquivos, bibliotecas e museos da Universidade da Coruña, convocadas pola Resolución do 27 de abril de 2010 (DOG do 20 de maio).

Verificada a concorrencia nos/nas aspirantes aprobados/das dos requisitos exixidos nas bases da convocatoria, de acordo co disposto no Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, no Decreto 95/1991, do 20 de marzo, polo que se aproba o Regulamento de selección do persoal da Administración da Comunidade Autónoma de Galicia, na Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril, e nos estatutos da Universidade da Coruña, esta reitoría

RESOLVE:

Primeiro. Nomear persoal funcionario de carreira da escala de auxiliares de arquivos, bibliotecas e museos da Universidade da Coruña os/as aspirantes aprobados/das, polo sistema de acceso libre, que se relacionan no anexo, ordenados/das consonte a puntuación final acadada.

Segundo. Para adquirir a condición de funcionario/ria de carreira, as persoas que se relacionan deberán cumprir os requisitos exixidos no artigo 47 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e tomar posesión do correspondente posto de traballo no prazo dun mes, contado a partir do día seguinte ao da publicación desta resolución no Diario Oficial de Galicia.

Contra esta resolución, que esgota a vía administrativa, os/as interesados/das poderán interpor recurso contencioso-administrativo, de conformidade co establecido na Lei reguladora da xurisdición contencioso-administrativa, dentro do prazo de dous meses contados a partir do día seguinte ao da publicación desta resolución no Diario Oficial de Galicia.

A Coruña, 18 de xaneiro de 2012.

Xosé Luís Armesto Barbeito
Reitor da Universidade da Coruña

ANEXO