O representante da titularidade do centro privado Novacaixagalicia, do concello de Vigo, solicita a extinción da autorización por cesamento das súas actividades, ao abeiro do establecido no artigo 17.1 do Decreto 133/1995, do 10 de maio, de autorización de centros privados para impartir ensinanzas de réxime xeral non universitarias, e da Orde do 20 de setembro de 1995 que o desenvolve.

Por proposta da Dirección Xeral de Centros e Recursos Humanos, logo de informe da Xefatura Territorial de Pontevedra,

DISPOÑO:

Primeiro. Extinguir de conformidade co artigo 17.1 do Decreto 133/1995, do 10 de maio, de autorización de centros privados para impartir ensinanzas de réxime xeral non universitarias, por cesamento das actividades docentes, por instancia da súa titularidade, a autorización do centro privado que se sinala a seguir:

Denominación: CPR Novacaixagalicia.

Código do centro: 36010496.

Domicilio: r/ Filipinas, 4.

Localidade: Vigo.

Concello: Vigo.

Provincia: Pontevedra.

Titular: Novacaixagalicia.

Ensinanzas que se extinguen: todas as autorizadas (6 unidades de educación primaria).

Segundo. A extinción da autorización producirá efectos desde o inicio do curso académico 2012/2013, e dará lugar á correspondente inscrición no Rexistro de Centros desta consellería.

Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 28 de febreiro de 2012.

Jesús Vázquez Abad
Conselleiro de Cultura, Educación e Ordenación Universitaria