A Xunta de Goberno Local, na sesión que tivo lugar o día 27 febreiro de 2012, adoptou, entre outros, o seguinte acordo:
Primeiro. Aprobar inicialmente a modificación puntual do PERI do Vieiro, presentado no Rexistro con data do 5 de decembro de 2011 e, redactado polo arquitecto César Coll, por instancia da Inmobiliaria Outeiro de Sar, Oudesa, S.L.
O acordo de aprobación inicial determina, ex lege, consonte o establecido no artigo 77.2 da Lei 9/2002, do 30 de decembro, de ordenación urbanística e protección do medio rural de Galicia (LOUG), a suspensión do outorgamento de licenzas no ámbito obxecto da modificación, en canto poidan resultar incompatibles coa nova ordenación proxectada.
Segundo. En aplicación do procedemento regulado polo artigo 86.1.a) da LOUG, a modificación inicialmente aprobada someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e en dous xornais de circulación na provincia. Simultaneamente, practicarase notificación persoal aos propietarios catastrais das parcelas afectadas, e publicarase o correspondente edicto no Boletín Oficial da provincia.
Durante o prazo dun mes contado desde o día seguinte ao da publicación deste anuncio no Diario Oficial de Galicia, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.
Santiago de Compostela, 2 de marzo de 2012.
Gerardo Conde Roa
Alcalde