Ao abeiro do previsto no artigo 235 da Lei 9/2002, do 30 de decembro, de ordenación urbanística e protección do medio rural de Galicia, o día 7 de marzo de 2012 procedeuse á sinatura do convenio urbanístico entre o Concello da Pastoriza e a Diócese de Mondoñedo-Ferrol para a formación e execución do planeamento en terreos situados en Bretoña, neste municipio da Pastoriza.

En aplicación do procedemento regulado polo artigo 237 da citada lei, sométese o citado convenio ao trámite de información pública, polo prazo de vinte días hábiles, contados a partir do seguinte ao da publicación deste anuncio no Diario Oficial de Galicia. Durante este prazo, os interesados poderán consultar o expediente na secretaría deste concello e formular as alegacións que consideren oportunas.

A eficacia do convenio queda condicionada en todo caso á ulterior ratificación do seu texto definitivo polo pleno municipal, unha vez que se cumpra o trámite de información pública.

Pastoriza, 8 de marzo de 2012.

Primitivo Iglesias Sierra
Alcalde