De conformidade co disposto no artigo 59.5.º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á entidade que se relaciona no anexo o acordo de incoación do expediente sancionador S-P-06.12 por infracción da Lei 8/1995, do 30 de outubro, do patrimonio cultural de Galicia.
A interesada disporá dun prazo de quince días hábiles, contados desde o día seguinte ao da publicación deste anuncio, para examinar o expediente nas dependencias do Servizo de Patrimonio Cultural da Xefatura Territorial da Consellería de Cultura, Educación e Ordenación Universitaria en Pontevedra e para presentar cantas alegacións, documentos ou informacións considere convenientes e, de ser o caso, propor proba, concretando os medios de que pretenda valerse.
Advírtese a interesada de que, de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cos efectos previstos nos artigos 18 e 19 do Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto.
Santiago de Compostela, 21 de marzo de 2012.
Roberto Pena Puentes
Xefe do Servizo de Vixilancia e Inspección
ANEXO
N.º de expediente: S-P-06.12.
Interesada: Balboa Lor, S.L.
Último enderezo coñecido: Gutiérrez Mellado, 9-1.º E, 36001 Pontevedra.
Feitos imputados: construción dun edificio sito na rúa Altamira n.º 34, no ámbito do con-xunto histórico de Pontevedra.
Tipificación: artigo 91.h) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.