Aprobado inicialmente por acordo do Pleno, do 8 de febreiro de 2012, o proxecto de modificación puntual n.º 1 con ordenación detallada do PXOM de Nogueira de Ramuín, de conformidade cos artigos 85.2 e 93.4 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de dous meses, contados desde o día seguinte ao da publicación do presente anuncio no Diario Oficial de Galicia, Boletín Oficial da provincia, e no xornal La Región (conta desde a última publicación que se efectúe).

Durante o dito prazo poderá ser examinado por calquera interesado nas dependencias municipais para formular alegacións que se consideren pertinentes.

Suspéndese o outorgamento de licenzas naqueles ámbitos do territorio obxecto do planeamento en que as novas determinaciones supoñan a modificación da ordenación urbanística vixente.

As áreas afectadas pola suspensión son as relativas ao ámbito territorial que abarca a modificación, durante o prazo dun ano.

Nogueira de Ramuín, 5 de marzo de 2012.

José César Parente Pérez
Alcalde