A Secretaría Xeral de Medios recibiu da Sala do Contencioso-Administrativo do Tribunal Superior de Xustiza de Galicia oficio polo que se admite a trámite o recurso contencioso-administrativo P.O. 48/2012, interposto por Jorge Berejano Pérez, en nome e representación de Capelu Audiovisuais, S.L., contra a Resolución do 28 de xullo de 2011, do secretario xeral de Medios relativa aos expedientes sancionadores acumuladas SXMEDIOS 3/2011 e SXMEDIOS 4/2011.
En consecuencia, esta secretaría xeral acordou mediante Resolución do 23 de marzo de 2011 e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica aos restantes interesados Rías Baixas de Producciones, Vídeo Televisión, S.A., Unión Televisiones Gallegas, S.A., e Faro de Vigo, S.A.U., e para xeral coñecemento de todas as persoas interesadas no procedemento, e emprázanse para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contados desde o seguinte á recepción deste emprazamento e, en todo caso, á publicación desta resolución no Diario Oficial de Galicia.
Santiago de Compostela, 26 de marzo de 2012.
Alfonso Cabaleiro Durán
Secretario xeral de Medios