Óscar Vázquez Corral solicitou da Alcaldía licenza municipal de obra e actividade para un taller de reparación de automóbiles, rama mecánica, sito no lugar da Carballeira, parroquia de Présaras desta localidade. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este prazo, que empezará a contar desde o día seguinte ao da inserción do presente edicto no Diario Oficial de Galicia e no Boletín Oficial da provincia da Coruña, poidan examinar o expediente, na Secretaría do concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que coiden oportunas.

Vilasantar, 2 de abril de 2012.

Fernando Pérez Fernández
Alcalde