A Xunta de Goberno Local, na sesión que tivo lugar o día 12 de marzo de 2012, adoptou o seguinte acordo:

a) Aprobar inicialmente o estudo de detalle na confluencia das rúas Domingo García Sabell–costa de San Francisco e Carretas–Entrerríos, formulado de oficio polo concello a través dos servizos técnicos municipais.

b) En aplicación do procedemento regulado polo artigo 86.2 da Lei 9/2002, do 30 de decembro, de ordenación urbanística e protección do medio rural de Galicia (LOUG), o estudo de detalle inicialmente aprobado someterase a información pública durante o prazo de vinte (20) días, mediante anuncios que para o efecto se publicarán no Diario Oficial de Galicia e nun dos xornais de maior circulación na provincia.

Durante o trámite de información pública solicitarase o informe do director xeral do Patrimonio Cultural, o da Sección Municipal de Patrimonio, e outorgarase audiencia ao decano da Escola de Estomatoloxía.

De conformidade co disposto no artigo 86.2 da LOUG, o citado expediente sométese a información pública, durante un prazo de vinte (20) días, contado a partir do día seguinte ao da publicación deste anuncio no Diario Oficial de Galicia. Durante este prazo, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.

Santiago de Compostela, 20 de marzo de 2012.

Gerardo Conde Roa
Alcalde