Antecedentes.
O DOG do 16 de febreiro de 2012 publicou a Resolución do 27 de xaneiro de 2012, da Dirección Xeral de Relacións Exteriores e coa Unión Europea, pola que se dispón a suspensión provisional da inscrición no Rexistro Galego de Axentes de Cooperación e a apertura do trámite de audiencia previo á cancelación definitiva da inscrición en relación cos expedientes do procedemento PR805A.
A devandita resolución establece que se vai «proceder á suspensión provisoria da inscrición das entidades relacionadas no anexo deste oficio, concedéndolles un trámite de audiencia de 15 días co fin de que poidan alegar e presentar os documentos e xustificacións que estimen pertinentes, e comunicándolles que, en caso de non facelo, procederá a cancelación definitiva da inscrición da súa entidade.
Contra esta resolución, que non pon fin á vía administrativa, poderase interpoñer recurso de alzada perante o conselleiro de Presidencia, Administracións Públicas e Xustiza, no prazo dun mes contado desde a recepción desta notificación».
O prazo do trámite de audiencia rematou o pasado 6 de marzo. O prazo para interpoñer o recurso de alzada ante o conselleiro de Presidencia, Administracións Públicas e Xustiza cumpriuse o 20 de marzo. As entidades relacionadas no anexo non presentaron ningunha documentación.
Fundamentos de dereito.
A Lei 3/2003, do 19 de xuño, de cooperación para o desenvolvemento establece no seu artigo 23 os axentes de cooperación.
O Decreto 326/2004, do 29 de decembro, polo que se regulan os órganos de coordinación e asesoramento en materia de cooperación para o desenvolvemento e polo que se crea o Rexistro Galego de Axentes de Cooperación para o Desenvolvemento, modificado polo Decreto 90/2011 (desde agora Decreto 90/2011) establece no seu artigo 13.1 que a inscrición no rexistro é voluntaria.
O artigo 19 do Decreto 90/2011 establece a obriga de comunicar ao rexistro calquera alteración dos datos rexistrados e di que a falta de comunicación da modificación dos datos inscritos aos que se refire o artigo 16 deste decreto –entre os que se atopa a modificación do domicilio social ou da súa delegación permanente en Galicia–, terá como efecto a suspensión provisoria da inscrición, que podería derivar en cancelación definitiva, logo de trámite de audiencia de acordo co previsto no artigo seguinte.
O artigo 20 do Decreto 90/2011 establece que a inscrición dun axente de cooperación ao desenvolvemento poderá ser cancelada, por instancia de parte interesada ou de oficio, entre outros, nos seguintes casos:
d) Por incumprimento da obriga de comunicar e acreditar calquera modificación da documentación achegada para a inscrición rexistral, de conformidade co disposto no artigo 15 deste decreto.
De acordo co indicado e á vista da lexislación aplicable,
RESOLVO:
Proceder á cancelación definitiva da inscrición das entidades relacionadas no anexo desta resolución.
Contra esta resolución, que non pon fin á vía administrativa, poderase interpoñer recurso de alzada perante o conselleiro de Presidencia, Administracións Públicas e Xustiza, no prazo dun mes contado desde a recepción desta notificación.
Santiago de Compostela, 9 de abril de 2012.
Jesús María Gamallo Aller
Director xeral de Relacións Exteriores e coa Unión Europea
ANEXO
Sección e n.º |
Denominación |
ONGD3 |
Solidaridade Internacional Galega SIGA |
ONGD 7 |
Asociación Juvenil Estudiantes Solidarios |
ONGD10 |
Comité de Solidaridade con América Latina Cosal |
ONGD 15 |
Asociación de Solidariedade Salvador Allende |
ONGD 20 |
Centro Unesco de Galicia |
ONGD 21 |
Asociación Babel |
ONGD37 |
Fundación de Artistas e Intelectuales por los Pueblos Indígenas |
ONGD 39 |
Asociación de Damas Salesianas |
ONGD 49 |
Fraternidad Ayuda al Tercer Mundo FATEM |
ONGD 51 |
Fundación Acción contra el Hambre |
ONGD 53 |
Asociación Integración Ayuda y Desarrollo Africano AIDA |
ONGD64 |
Asociación Benéfico Cultural Riparia |
ONGD 65 |
Fundación Rokpa |
ONGD 84 |
Asociación Brisa |
ONGD 95 |
Asociación Dignidad |
ONGD 118 |
Fundación Vicente Ferrer |
ONGD 120 |
Asociación de Cooperación para o Desenvolvemento Amani Galiza-Laicos Combonianos Polo Sur |
ONGD 121 |
Asociación Deporte, Cultura y Desarrollo |
ONGD 124 |
Instituto Galego de Estudios de Seguranza Internacional e da Paz |
ONGD 147 |
Asociación para la Salud Integral y el Desarrollo Humano ASIDH |
ONGD 168 |
Asociación Organización de Solidaridad con los Pueblos de Asia, África y América Latina |
ONGD 180 |
Fundación Ceps Centro de Estudios Políticos y Sociales |
ONGD 188 |
CUCO Galicia Asociación Cultura y Cooperación al Desarrollo |