De conformidade co establecido no artigo 5.1.j) da Orde do 15 de xuño de 2009, sobre delegación de competencias en órganos centrais e periféricos do Servizo Galego de Saúde, e en uso das atribucións conferidas, procédese ao seguinte anuncio:
Anunciar a convocatoria para cubrir, polo procedemento de concurso de méritos, varios postos de supervisor de unidade de enfermaría. As características das prazas xúntanse no anexo.
As retribucións dos postos ofertados serán as que correspondan de acordo coa orde pola que se ditan instrucións sobre a confección de nóminas do persoal ao servizo da Administración autonómica vixente.
A mencionada convocatoria estará exposta no taboleiro de anuncios do Hospital da Costa, así como na páxina web do Sergas (www.sergas.es).
O prazo de presentación de solicitudes será de 15 días contados a partir do seguinte ao da publicación deste anuncio no Diario Oficial de Galicia. As solicitudes deberán dirixirse ao director xerente do Hospital da Costa, e poderanse presentar no rexistro do hospital ou a través de calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
Burela, 3 de abril de 2012.
José Insua Pernas
Director xerente do Hospital da Costa
Anexo
Unha praza de persoal estatutario sanitario.
Categoría: S-A2-03. Supervisión de Unidade do Servizo de Quirófano.
Unha praza de persoal estatutario sanitario.
Categoría: S-A2-03. Supervisión de Unidade do Servizo de Medicina Interna.
Unha praza de persoal estatutario sanitario.
Categoría: S-A2-03. Supervisión de Unidade do Servizo de Calidade.
Unha praza de persoal estatutario sanitario.
Categoría: S-A2-03. Supervisión de Admisión.
Unha praza de persoal estatutario sanitario.
Categoría: S-A2-03. Supervisión de Urxencias.
Unha praza de persoal estatutario sanitario.
Categoría: S-A2-03. Supervisión de Unidade Xeral.