O Pleno da Deputación Provincial de Ourense, na súa sesión ordinaria do 30 de marzo de 2012, adoptou o acordo de aprobación inicial do proxecto de expropiación por taxación conxunta para a execución da obra de acondicionamento da rúa Rey de Viana, no concello de Leiro, e de sometelo a información pública.

Unha vez visto o exposto, faise público o citado proxecto de expropiación, o cal se tramita polo procedemento de taxación conxunta, promovido pola Deputación Provincial de Ourense, e no cal o beneficiario é o Concello de Leiro, para que, de conformidade co disposto no artigo 143 da Lei 9/2002, do 30 de decembro, de ordenación urbanística e protección do medio rural de Galicia, polo prazo dun mes, contado desde o día seguinte ao da publicación deste anuncio, os interesados poidan examinar o expediente na Sección de Patrimonio e Expropiacións da Deputación Provincial de Ourense e formular as alegacións que estimen oportunas.

Información: Sección de Patrimonio e Expropiacións. 988 38 51 27. Rúa Progreso, n.º 32. 32003 Ourense. Correo electrónico: patrimonio@depourense.es

Esta publicación servirá de notificación para os interesados descoñecidos ou de ignorado domicilio, para os efectos previstos na Lei 30/1992, do 26 de novembro, de réxime xurídico das administracións públicas e do procedemento administrativo común.

Ourense, 9 de abril de 2012.

José Manuel Baltar Blanco
Presidente da Deputación Provincial de Ourense