Marina Varela Rodríguez, en representación de SAT Casa do Pintor solicitou desta Alcaldía licenza municipal para legalización de actividade da explotación de vacún de leite e construción de leitaría, que se situará en Cimadevila-A Mota. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que xulguen oportunas.
Guntín, 14 de xuño de 2012
P.D. (Decreto 8.6.2012)
José Javier Santiso Iglesias
Primeiro tenente de alcalde