Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de despedimento/cesamentos en xeral 105/2012 deste xulgado do social, seguido por instancia de Roberto Rosende Mallo contra a empresa Frutas Rías Baixas, S.L., e o Fondo de Garantía Salarial (Fogasa) sobre despedimento, ditouse a seguinte resolución:
«Ditame.
Estímase a demanda formulada por Roberto Rosende Mallo fronte a Frutas Rías Baixas, S.L. e, en consecuencia:
– Declárase improcedente o despedimento efectuado pola demandada Frutas Rías Baixas, S.L. ao demandante o 31 de decembro de 2011.
– Declárase extinguido, con data desta resolución, o contrato de traballo que une o demandante Roberto Rosende Mallo coa empresa Frutas Rías Baixas, S.L.
– Condénase a demandada Frutas Rías Baixas, S.L. ao aboamento de 1.242,62 euros en concepto de indemnización de 45 días de salario por ano traballado e ao aboamento de 2.537,38 euros en concepto de salarios de tramitación desde a data do despedimento ata o 12 de marzo de 2012, suma á que haberá que descontar as cantidades percibidas polo demandante en concepto de prestación por desemprego durante o período comprendido entre o 1 de xaneiro de 2011 e o 11 de marzo de 2012.
Todo iso sen prexuízo da responsabilidade legal que, con carácter subsidiario, corresponda ao Fogasa para o caso de insolvencia da empresa.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, bastando a manifestación da parte ou do seu avogado ou graduado social colexiado, ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.
Así o acorda, manda e asina, María Mercedes Pena Moreira, maxistrada xuíza substituta do Xulgado do Social número 3 de Santiago de Compostela (A Coruña)».
E para que sirva de legal notificación a Frutas Rías Baixas, S.L., en paradoiro descoñecido, expido o presente para a súa inserción no Diario Oficial de Galicia.
Santiago de Compostela, 6 de xuño de 2012
A secretaria xudicial