Julio Pérez Taboada, en representación de Asfaltos y Viales, S.L., solicitou licenza municipal para planta de aglomerado asfáltico que se situará na estrada de Ferreira a Currelos, no lugar de Morgade-Seteventos.
En cumprimento do disposto no Decreto 133/2008, do día 12 de xuño, polo que se regula a avaliación de incidencia ambiental, sométese a información pública por un prazo de vinte días hábiles –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– para que todas as persoas que se encontren afectadas poidan examinar o expediente, na Secretaría deste concello, e formular por escrito as reclamacións ou observacións que xulguen oportunas.
O presente anuncio servirá de notificación a todos aqueles lindantes aos que non se lles puido practicar a notificación, de conformidade co disposto no artigo 59.5 da Lei 30/1992, do 26 de novembro.
O Saviñao, 25 de xuño de 2012
Joaquín González González
Alcalde