Secretario: Francisco Javier Gamero López-Peláez.
Tipo e número de recurso: recurso de suplicación 1217/2009-MDM.
Materia: xubilación.
Recorrente: Juan Manuel Freire Tajes.
Entidades contra as cales se recorre: Tesouraría Xeral da Seguridade Social, Instituto Social da Mariña, empresa Felipe Martínez Bouzas y Herederos de Fernando de Castro Fernández.
Xulgado de orixe/autos: Xulgado do Social número 2 da Coruña, demanda 288/2007.
Nas actuacións: recurso de suplicación número 1217/2009 a que se refire o encabezamento, seguidas perante a Sala do Social deste Tribunal Superior de Xustiza, dimanantes dos autos número 288/2007 do Xulgado do Social número 2 da Coruña promovidos por Juan Manuel Freire Tajes contra a Tesouraría Xeral da Seguridade Social, o Instituto Social da Mariña, a empresa Felipe Martínez Bouzas y Herederos de Fernando de Castro Fernández, sobre xubilación, con data do 23 de xullo de 2012 ditouse a resolución, cuxa parte dispositiva é do seguinte teor literal:
«Decidimos que estimando o recurso de suplicación interposto polo letrado Francisco Varela Míguez, na representación que ten acreditada de Juan Manuel Freire Tajes, contra a Sentenza do 29 de decembro de 2008, ditada polo Xulgado do Social número 2 dos da Coruña, en autos seguidos por instancia do recorrente fronte ao Instituto Social da Mariña, a Tesouraría Xeral da Seguridade Social e a empresas Felipe Martínez Bouzas y Herederos de Fernando de Castro Fernández, sobre xubilación, debemos revogar e revogamos a resolución obxecto de recurso, estimamos a demanda e declarando o dereito do demandante a percibir pensión de xubilación anticipada, e condenamos o Instituto Social da Mariña a estar e pasar por esta declaración e a que lla aboe en contía do 72 % da porcentaxe que corresponda por razón de cotización e sobre unha base reguladora mensual de catrocentos noventa e seis euros con setenta e cinco céntimos (496,75 euros), en catorce pagas anuais, coas revalorizacións e melloras que procedan legal e regulamentariamente e con efectos económicos do 5 de decembro de 2006, e desestimando a demanda formulada contra a Tesouraría Xeral da Seguridade Social e a empresa Felipe Martínez Bouzas y Herederos de Fernando de Castro Fernández, debemos absolver e absolvemos os citados demandados dos pedimentos contidos nela.
Notifíquese esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina que se preparará por escrito ante esta sala do social, dentro dos dez días seguintes á notificación desta sentenza e de acordo co disposto na Lei da xurisdición social. Se a recorrente non estiver exenta de depósito e consignación para recorrer, deberá ingresar:
– A cantidade obxecto de condena na c/c desta sala nº 1552 0000 80 (nº recurso) (dúas últimas cifras do ano).
– O depósito de 600 euros na c/c desta sala nº 1552 0000 37 (nº recurso) (dúas últimas cifras do ano).
Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.
Así por esta nosa sentencia, pronunciámolo, mandámolo e asinámolo».
Advírtese á parte en ignorado paradoiro que, a partir deste momento, se lle efectuarán as notificacións en estrados, salvo que se trate de autos, sentenzas ou emprazamentos, de acordo co previsto no artigo 59 da Lei de procedemento laboral.
E para que así conste para os efectos da súa publicación no Diario Oficial de Galicia co fin de que sirva de notificación en forma á empresa Felipe Martínez Bouzas, con último domicilio coñecido en Muros (A Coruña), coa advertencia de que as seguintes comunicacións se farán en estrados, salvo as que deban revestir forma de auto ou sentenza ou se trate de emprazamento, expido e asino o presente edicto.
A Coruña, 23 de xullo de 2012
O secretario xudicial
