O subdirector da Axencia de Protección da Legalidade Urbanística, o 29 de xuño de 2012, ditou, por substitución da directora da axencia, resolución mediante a que se apercibe a José Antonio Devesa Otero da execución forzosa mediante a execución subsidiaria a custa do obrigado e os seus causahabentes da Resolución do 29 de decembro do 2000, recaída no expediente núm. 10.5/92-II (B), pola que se lle ordenou devolver os terreos ao estado anterior á execución das obras de construción dunha vivenda e piscina, dentro da servidume de protección do dominio público marítimo-terrestre, no lugar de Punta Raeiro, termo municipal do Grove (Pontevedra).
Ao non poder realizarse a notificación persoal, mediante a presente cédula, e ao amparo do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícase ao interesado o devandito apercibimento.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro do apercibimento que se lle notifica encóntrase ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar-Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo a notificación entenderase producida.
Para que conste e lle sirva de notificación ao destinatario arriba indicado, en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 31 de xullo de 2012
P.S. (Artigo 3 do Decreto 51/2008, do 6 de marzo; DOG nº 59, do 27 de marzo)
José María Domínguez Blanco
Subdirector da Axencia de Protección da Legalidade Urbanística