Amador Botana Botana en representación de Ganadería Botana Vigo, S.C. solicita licenza municipal para a ampliación de explotación de vacún de leite no lugar de Mata, nº 1, parroquia de Xanceda, no termo municipal de Mesía. Cumprindo o disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un prazo de vinte días mediante anuncio no Boletín Oficial da provincia, Diario Oficial de Galicia e no taboleiro de anuncios deste concello, para que quen se considere afectado dalgún xeito pola actividade que se pretende establecer poida alegar o que considere oportuno. O prazo de exposición pública considerarase aberto desde o día seguinte ao da publicación do primeiro anuncio e rematará transcorridos vinte días desde o día seguinte ao da publicación do último anuncio.
O expediente estará á disposición do público na Secretaría do concello, durante as horas de oficina.
Mesía, 20 de agosto de 2012
Mariano Iglesias Castro
Alcalde