Con data do 24 de agosto de 2012, o/a instrutor/a do procedemento, ditou proposta de resolución do expediente sancionador nº 2012190TA-CO, incoado na Xefatura Territorial da Consellería de Sanidade da Coruña a Antonio García Caamaño.

Unha vez intentada a notificación da proposta de resolución segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e ao non ser posible a súa práctica; por medio desta cédula, e ao abeiro do disposto no número 5 do devandito artigo, notifícaselle a Antonio García Caamaño o contido da dita proposta de resolución, que figura como anexo, para que poida ter coñecemento dela.

Así mesmo, fáiselle saber o dereito que o asiste ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de 15 días hábiles, contados desde o seguinte ao da publicación desta cédula, lembrándolle o seu dereito a consultar o expediente depositado nas dependencias da xefatura, sita na rúa Gregorio Hernández 2-4, A Coruña, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.

Esta cédula expídese para que conste e lle sirva de notificación ao interesado, en cumprimento do disposto no artigo 59.5º da Lei 30/1992, do 26 de novembro.

A Coruña, 4 de outubro de 2012

Emma Rego Valcarce
Xefa territorial da Coruña

ANEXO

Nº expediente: 2012190TA-CO.

Interesado: Antonio García Caamaño.

DNI/NIF/CIF: 32809473.

Último enderezo coñecido: avda. Emilia Pardo Bazán, 11. Erbecedo, 15100 Carballo.

Feito imputado: infracción á lexislación aplicable en materia sanitaria.

Artigos infrinxidos: a) Art. 35.b.2) da Lei 14/1986, do 25 de abril, xeral de sanidade, e art. 42.e) da Lei 8/2008, do 10 de xullo, de saúde de Galicia.

b) Lei 28/2005, do 26 de decembro, de medidas sanitarias fronte ao tabaquismo e reguladora da venda, a subministración, o consumo e a publicidade dos produtos do tabaco, modificada pola Lei 42/2010, do 30 de decembro, nos seus artigos: 7.u) e 19.3.b).

Tipificación provisional: grave.

Sanción proposta: 601 € (seiscentos un euros).