En cumprimento do disposto no artigo 15.1 da Lei 9/2007, do 13 de xuño, de subvencións de Galicia, e no artigo 17 do anexo I das bases reguladoras da Resolución do 25 de xuño de 2012, pola que se aproban as bases reguladoras das axudas, en réxime de concorrencia competitiva, a entidades sen ánimo de lucro, para desenvolver accións de formación laboral, cofinanciadas polo Fondo Social Europeo, que contribúan a incrementar a participación das persoas inmigrantes e retornadas no mundo laboral na Comunidade Autónoma galega e se convocan para o ano 2012, procédese á publicación das subvencións concedidas de contía igual ou superior a 3.000 euros.

Norma reguladora: Resolución do 25 de xuño de 2012 pola que se aproban as bases reguladoras das axudas, en réxime de concorrencia competitiva, a entidades sen ánimo de lucro, para desenvolver accións de formación laboral, cofinanciadas polo Fondo Social Europeo, que contribúan a incrementar a participación das persoas inmigrantes e retornadas no mundo laboral na Comunidade Autónoma galega e se convocan para o ano 2012 (DOG nº 123, do 28 de xuño).

Esta actuación está cofinanciada polo Fondo Social Europeo, dentro do Programa operativo Galicia 2007-2013, e está encadrada no eixe 2, tema prioritario 70, cunha taxa de cofinanciamento do 80 %.

Aplicación orzamentaria: 04.50.312C.481.0 dos orzamentos xerais da Comunidade Autónoma para o ano 2012.

Crédito orzamentario: 307.859,88 €.

Entidades beneficiarias da subvención concedida con contía igual ou superior a 3.000 € e importe da subvención concedida a cada unha delas en euros que figuran no anexo desta resolución.

Santiago de Compostela, 29 de outubro de 2012

J. Santiago Camba Bouzas
Secretario xeral da Emigración

ANEXO