A Xunta de Goberno Local, na sesión ordinaria do 6 de novembro de 2012, aprobou de xeito inicial o proxecto de modificación puntual do Plan parcial dos sectores SURPP B1+B2 que fora aprobado de xeito definitivo polo Pleno da Corporación na sesión do 8 de marzo de 2007.

Tamén acordou someter o expediente a exposición pública por un prazo dun mes mediante a inserción de anuncios no taboleiro municipal, na páxina web do concello, no Diario Oficial de Galicia e en dous dos xornais de máis difusión da provincia, así como a notificación individual aos propietarios afectados que constan no proxecto.

Durante este prazo o expediente estará á disposición dos interesados para a súa consulta nas oficinas municipais de Urbanismo (2ª planta da casa do concello), que poderán formular as alegacións que xulguen oportunas no citado prazo dun mes.

Do mesmo xeito, o proxecto da modificación puntual poderá consultarse na páxina web deste concello (www.boiro.org).

Con esta aprobación inicial queda suspendida a concesión de licenzas no ámbito afectado pola modificación puntual. Esta suspensión cesará coa aprobación definitiva da modificación puntual e terá, en todo caso, unha duración máxima de dous anos.

Boiro, 9 de novembro de 2012

Juan José Dieste Ortigueira
Alcalde