A Alcaldía, mediante o Decreto nº 466, do 26 de novembro de 2012, e de conformidade coa disposición adicional segunda da Lei 9/2002, do 30 de decembro, de ordenación urbanística e protección do medio rural de Galicia, modificada pola Lei 15/2004, do 29 de decembro, aprobou inicialmente o expediente de delimitación do núcleo rural de Pena da Cabra en Duancos, Castro de Rei (Lugo), redactado polo arquitecto José Manuel López Valiño, colexiado co nº 965, e presentado por iniciativa de Mª Jesús Martínez Fernández, en representación de propietarios da urbanización Pena da Cabra.
O expediente sométese á información pública polo prazo dun mes contado desde a súa publicación no Diario Oficial de Galicia e en dous xornais da provincia, co fin de que, durante o citado período, as persoas que dalgún xeito se consideren afectadas poidan examinalo nas oficinas do concello, en Castro de Rei, e formular por escrito as reclamacións ou observacións que consideren oportunas.
Castro de Rei, 26 de novembro de 2012
Francisco Javier Balado Teijeiro
Alcalde