Por Resolución do 31 de xullo de 2012 (DOG do 17 de agosto e BOE do 3 de setembro), convocáronse probas selectivas para cubrir unha praza da categoría profesional de técnico especialista de investigación, especialidade imaxe, grupo III, pola quenda de promoción interna e pola quenda de acceso libre.
Por Resolución do 17 de outubro de 2012 (DOG do 2 de novembro) aprobouse a relación provisional de persoas aspirantes admitidas e excluídas nas mencionadas probas selectivas, e fixouse un prazo para emendar os defectos que motivasen a exclusión.
Rematado o dito prazo e consonte o establecido na base 4.4 da convocatoria, o reitor
RESOLVE:
Primeiro. Declarar aprobada e facer pública a listaxe definitiva de persoas admitidas e excluídas pola quenda de acceso libre ás citadas probas.
Segundo. Declarar que non hai persoas aspirantes pola quenda de promoción interna.
Terceiro. Indicar que a listaxe definitiva de persoas aspirantes admitidas e excluídas está exposta nos taboleiros de anuncios da Reitoría, da Casa da Balconada, do Edificio de Servizos Administrativos e Biblioteca Intercentros e na web:
http://www1.usc.es/webpas/SPAS/Laborais/Indice.htm
Cuarto. Convocar as persoas aspirantes admitidas pola quenda de acceso libre para a realización do primeiro exercicio da fase de oposición (probas de lingua galega), o día 21 de xaneiro de 2013, ás 17.00 horas, na sala de xuntas do Decanato da Facultade de Ciencias da Comunicación, Campus Norte, Santiago de Compostela.
A publicación dos sucesivos anuncios de celebración dos demais exercicios será efectuada polo tribunal nos locais onde se realizase o primeiro deles, na Reitoría da Universidade e na páxina web: http://www.usc.es/gl/goberno/xerencia/selecciondepersoal.html
Contra a presente resolución, que esgota a vía administrativa, poderase interpoñer un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer un recurso potestativo de reposición no prazo dun mes perante o órgano que a ditou. Neste caso non se poderá interpoñer o recurso contencioso-administrativo antedito mentres non recaia resolución expresa ou presunta do recurso administrativo de reposición, ao abeiro dos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 26 de novembro de 2012
P.D. (Resolución do 22.11.2012)
Francisco González García
Vicerreitor de Investigación e Innovación