Visto o expediente para outorgamento de autorización administrativa e aprobación do proxecto de execución da instalación eléctrica que a seguir se describe:
Solicitante: Unión Fenosa Distribución, S.A.
Domicilio social: A Batundeira, 2, 32960 Velle.
Denominación: LMTS e CT Fontei-A Rúa.
Situación: A Rúa.
Características técnicas:
– LMT subterránea a 20 kV de 500 m de lonxitude con condutor RHZ1 e orixe na LMT ao CT 32CB88 Arnaveca e final no CT 32CL62 Padre Feijóo con entrada e saída no CT proxectado, prefabricado de 400 kVA, R/T 20.000/400-230 V.
– RBT aereosubterránea de 20 m en aéreo con condutor RZ 0,6/1 kV e 583 m en subterráneo con condutor XZ1 0,6/1 kV, derivada do CT proxectado Fontei.
Orzamento: 115.981,44 euros.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguranza establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Ourense, 28 de decembro de 2012
Gabriel Diéguez Domínguez
Xefe territorial de Ourense