No procedemento de referencia ditouse a resolución do teor literal seguinte:
«Sentenza.
No Porriño o oito de xaneiro de dous mil trece.
Vistas por min, Gaspar Carlos Salgado Fernández, xuíz substituto do Xulgado de Primeira Instancia e Instrución número 3 desta vila e partido xudicial, as actuacións do xuízo verbal seguidas co número 383/2012, en que figuraba como demandante María Isabel Nogueira Forneiro, representada pola procuradora Ana Belén Pérez Carrera, con asistencia técnica da letrada María Belén Gómez Chantada, e como demandado Francisco Javier Ézara Trillo, en situación procesual de rebeldía, dito, en nome do rei, a seguinte
Decido que, estimando integramente a demanda interposta por María Isabel Nogueira Forneiro, debo condenar e condeno a Francisco Javier Ézara Trillo a pagar á demandante a suma de mil trescentos oitenta e dous euros e cincuenta e nove céntimos (1.382,59 €), máis os xuros legais correspondentes, con imposición de custas á demandada.
Dedúzase testemuño literal desta resolución que quedará nestas actuacións, con inclusión da orixinal no libro de sentenzas.
A presente resolución é firme e contra ela non cabe recurso ningún, en virtude do artigo 455.1 da Lei de axuizamento civil.
Así, por esta a miña sentenza, pronúncioo, mándoo e asínoo».
E como consecuencia do ignorado paradoiro de Francisco J. Ézara Trillo, expídese a presente para que sirva de cédula de notificación.
O Porriño, 22 de xaneiro de 2013
O/a secretario/a xudicial