María Jesús Hernando Arenas, secretaria do Xulgado do Social número 5 da Coruña, fai saber que ante este xulgado se tramitan autos co número PO 641/12 por instancia de Ignacio Tejeiro García contra Comercial Lucavi Sociedad Cooperativa e Fogasa sobre cantidade, nos cales o día 16 de xaneiro de 2013 se ditou sentenza cuxa parte dispositiva di textualmente:
«Decido que debo estimar e estimo a demanda que en materia de cantidade foi interposta por Ignacio Tejeiro García contra a entidade Comercial Lucavi Sociedad Cooperativa e, en consecuencia, debo condenar e condeno a entidade Comercial Lucavi Sociedad Cooperativa a que aboe a cantidade de 4.363,15 € por salarios devindicados entre outubro de 2011 e abril de 2012, incrementadas no xuro do 10 % por mora e aplicable aos conceptos salariais.
Coa intervención procesual do Fondo de Garantía Salarial.
Notifíqueselles a presente resolución ás partes facéndolles saber o seu dereito a interpor contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco (5) días a partir da súa notificación.
Advírtaselle ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social, na conta aberta na entidade Banesto, a nome deste xulgado co número 47570000, código 36 e número de expediente, acreditando mediante a presentación do xustificante de ingreso no período comprendido ata a formalización do recurso, así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade no cal se faga constar a responsabilidade solidaria do avalista, incorporándoos a este xulgado co anuncio de recurso.
En todo caso, o recorrente deberá designar letrado para a tramitación do recurso no momento de anuncialo.
Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.
Así, por esta a miña sentenza, o pronuncio, mando e asino».
Para que conste e inserir no Diario Oficial de Galicia co fin de que sirva de notificación á empresa demandada Comercial Lucavi Sociedad Cooperativa, co apercibimento de que as sucesivas notificacións se realizarán nos estrados do xulgado, agás as que revistan forma de emprazamentos, sentenzas e autos, e expido e asino o presente edicto.
A Coruña, 21 de xaneiro de 2013
María Jesús Hernando Arenas
Secretaria xudicial