Advertidos erros no texto da Orde do 7 de febreiro de 2013 pola que se convoca concurso público dos terreos francos resultantes da declaración de caducidade de dereitos mineiros correspondentes á provincia de Pontevedra, publicada no Diario Oficial de Galicia número 33, do 15 de febreiro de 2013, cómpre facer as seguintes correccións:

Na páxina 4466, punto segundo, terceiro parágrafo, onde di: «solicitudes de reclasificación de recursos tanto da sección A) como da sección C)», debe dicir: «solicitudes de reclasificación de recursos da sección A) como da sección C)».

Na páxina 4470, terceira liña, onde di: «Un representante da Xefatura Territorial de Lugo da Consellería de Economía e Industria», debe dicir: «Un representante da Xefatura Territorial de Pontevedra da Consellería de Economía e Industria».